Sunnudagaskóli kl. 10:00 í umsjá Ísabellu og Helga. Fjölbreytt og skemmtileg stund fyrir börn á öllum aldri. Föndur og hressing í safnaðarsal á eftir.
Verið velkomin!
Allra heilagra messa
Sunnudagaskóli kl. 10:00. fjölbreytt og skemmtileg stund í umsjá Ísabellu og Helga.
Guðsþjónusta á allra heilagra messu 5. nóvember kl. 11:00. Látinna minnst. Kór Víðistaðakirkju syngur undir stjórn Sveins Arnars organista og Daníel Friðjónsson leikur á klarinett. Sóknarprestur þjónar með aðstoð messuþjóna.
Vöfflukaffi í safnaðarheimilinu að guðsþjónustu lokinni.
Verið velkomin!
Aggi og mæðgurnar
Mæðgurnar Hanna Björk Guðjónsdóttir og Björg Birgisdóttir, hljómsveit Agnars Más Magnússonar og Söngskólinn Domus vox flytja lög úr söngleikjum og kvikmyndum.
Miðasala á tix.is – Miðaverð kr. 4.500,-
Viðburðurinn er liður í dagskrá Vetrardaga í Víðistaðakirkju.
Kertasmiðja Ísabellu
Kertasmiðja með Ísabellu Leifsdóttur fyrir alla fjölskylduna. Takið með hvers kyns ílát, svo sem gamlar dósir, krukkur, blómapotta eða annað fallegt og við gerum saman haustkerti.
Skráning er nauðsynleg og eru einungis 30 pláss í smiðjuna.
Börn skulu vera í fylgd fullorðinna og allir þurfa að skrá sig.
Skráning í netfanginu: pinkupcycling@gmail.com
Viðburðurinn er liður í dagskrá Vetrardaga í Víðistaðakirkju
Kór og kótilettur
Kór Víðistaðasóknar flytur létta dagskrá undir stjórn Sveins Arnars organista. Meðal annars verður kynning á svokölluðum “druslum” en druslur eru veraldlegir textar við þekkt sámlalög sem voru notaðir til að æfa og kenna sálmalög hér áður fyrr, þar sem réttu textarnir þóttu of heilagir til að syngja annarsstaðar en í messum. Og Bítlarnir koma líka við sögu!!
Kótilettukvöld í safnaðarsalnum á eftir eða um kl. 19:30.
Kórdagsskrá og kótilettukvöld kostar 5.000,- kr.
Skráning: kirkjuvordur@vidistadakirkja.is / 891-8477
Viðburðurinn er liður í Vetrardögum Víðistaðakirkju og Kirkjulistaviku Kjalarnessprófastsdæmis.
Orgelandakt og kyrrðarstund
Orgelandakt og kyrrðarstund. Sveinn Arnar leikur íslensk orgelverk og kyrrðarstund hefst kl. 12.10. Íslensk kjötsúpa í safnaðarsal eftir stundina. Viðburðurinn er liður í dagskrá Vetrardaga í Víðistaðakirkju.
Verið velkomin!
Vetrardagar í Víðistaðakirkju
Árlegir Vetrardagar í Víðistaðakirkju verða nú dagana 29. október – 5. nóvember. Að vanda verður boðið upp á fjölbreytta dagskrá eins og sjá má auglýsingunni hér fyrir neðan.
Kirkjulistavika
Kirkjulistavika Kjalarnessprófastsdæmis verður dagana 29. október – 5. nóvember – og er samstarfsverkefni allra safnaða prófastsdæmisins. Þar er boðið upp á fjölbreytta dagskrá eins og sjá má á meðfylgjandi auglýsingu. Viðburðir hér í Víðistaðakirkju eru jafnframt hluti af Vetrardögum í Víðistaðakirkju sem standa yfir þessa sömu viku.
Sunnudagur 29. október
Sunnudagaskóli kl. 10:00. Fjölbreytt og skemmtileg stund fyrir börn á öllum aldri – í umsjá Ísabellu og Helga.
Tónlistarguðsþjónusta kl. 11:00 og Vetrardagar í Víðistaðakirkju hefjast. Sóknarbandið sér um tónlistarflutning og sóknarprestur þjónar.
Veitingar í safnaðarsal á eftir. Verið velkomin!
Nistarnir
Miðvikudaginn 25. október kl. 20:00 munu organistarnir Arnór Vilbergsson, Jón Bjarnason, Sveinn Arnar Sæmundsson og Viðar Guðmundsson bjóða upp á tónleika í Víðistaðakirkju.
Nistarnir, eins og þeir kalla sig, gefa tónleikagestum innsýn í töfraveröld orgelsins og flytja óhefðbundna orgeltónlist við dægurlög og kvikmyndatónlist. Þá taka þeir upp fleiri hljóðfæri eftir því sem líður á tónleikana.
Nistarnir eru líka syngjandi organistar og stíga því á stokk og taka saman nokkur lög. Sérstakur heiðursgestur á tónleikunum er Jón Þorsteinn Reynisson harmonikkusnillingur.
Tónleikarnir eru fyrir alla aldurshópa og eru mjög fjölbreyttir og því líklegt að allir geti fundið eitthvað við sitt hæfi.
Aðgangseyrir er 2.500 krónur. Miðasala í gegnum tix, en einnig verður hægt að kaupa miða við inngang.
