Hjólreiðamessa sunnudaginn 15. júní 2025. Hjólað á milli kirkna í Hafnarfirði og Garðabæ og endað í Sumarmessu í Garðakirkju kl. 11:00. Dagskráin er eftierfarandi:
Sumarmessur í Garðakirkju
Sumarmessur í Garðakirkju alla sunnudaga í sumar kl. 11:00 á vegum allra kirkna í Hafnarfirði og Garðabæ.
Boðið upp á hressingu og skemmtidagskrá í hlöðunni á Króki að guðsþjónustum loknum.
Sjómannadagsmessa
Sjómannadagsmessa kl. 11:00 á sjómannadaginn 1. júní. Karlar úr Kór Víðistaðasóknar syngja undir stjórn Helga Hannessonar og sr. Bragi J. Ingibergsson þjónar fyrir altari.
Fyrir guðsþjónustuna verður lagður blómsveigur að Altari sjómannsins, minnismerki um horfna sjómenn.
Verið velkomin!
Uppstigningardagur í Hafnarfjarðarkirkju
Sameiginleg messa Víðistaðasóknar og Hafnarfjarðarsóknar á uppstigningardag 29. maí kl. 14:00 í Hafnarfjarðarkirkju. Gaflarakórinn syngur undir stjórn Kristjönu Þórdísar Ásgeirsdóttur. Sr. Sighvatur Karlsson þjónar fyrir altari og sr. Bragi J. Ingibergsson prédikar.
Messukaffi í Hásölum að guðsþjónustu lokinni.
Sunnudagur 25. maí
Guðsþjónusta kl. 11:00. Kór Víðistaðasóknar syngur undir stjórn Sveins Arnars Sæmundssonar organista og sr. Gunnlaugur Stefánsson þjónar fyrir altari.
Kaffihressing í safnaðarsal að guðsþjónustu lokinni.
Verið velkomin!
Vortónleikar Gaflarakórsins
Vortónleikar Gaflarakórsins í Víðistaðakirkju laugardaginn 24. maí kl. 16:00.
Sunnudagur 18. maí
Messa kl. 11:00. Kór Víðistaðsóknar syngur undir stjórn Sveins Arnars Sæmundssonar og sr. Bragi J. Ingibergsson sóknarprestur þjónar fyrir altari.
Kaffihressing í safnaðarsal að messu lokinni.
Verið velkomin!
Írska söngsveitin SYSTIR
Guðsþjónusta kl. 11:00 sunnudaginn 11. maí. Írska söngsveitin SYSTIR kemur í heimsókn og syngur í guðsþjónustunni. SYSTIR er hluti af hinu heimsþekkta ANÚNA Collective og er ein af eftirsóttustu söngsveitum Írlands. Listrænn stjórnandi er Michael McGlynn, tónskáld. Organisti er Sveinn Arnar Sæmundsson og prestur sr. Bragi J. Ingibergsson sóknarprestur.
Kaffihressing í safnaðarheimilinu að guðsþjónustu lokinni.
Verið velkomin!
Vorhátíð 4. maí
Sameiginleg fjölskylduhátíð Bessastaðasóknar og Víðistaðasóknar sunnudaginn 4. maí kl. 11:00 í Víðistaðakirkju. Hoppukastali – Andlitsmálun – Grill.
Plokkmessa
Plokkmessa kl. 11:00 sunnudaginn 27. apríl. Eftir stutta helgistund í kirkjunni fara kirkjugestir út að plokka rusl í kringum kirkjuna og á Víðistaðatúni. Ruslapokar og nokkrar plokktangir á staðnum en þau sem eiga slík verkfæri eru hvött til að taka þau með.
Að loknu plokki verður boðið upp á plokkfisk í kirkjunni.
Verið velkomin!
