Posts in category: Fréttir

Kyrrðarstundir hefjast aftur miðvikudaginn 7. október kl. 12.10. Að lokinni notalegri og friðsælli stund í kirkjunni er boðið upp á súpu og brauð í safnaðarsal. Hægt er að koma fyrirbænaefnum til sóknarprests eða skrá hér.

Kyrrðarstund verður svo vikulega á sama tíma í október og nóvember. Hlé verður gert á kyrrðarstundum í desember en þær hefjast svo aftur fljótlega á nýju ári.

Kyrrðardagur í Víðistaðakirkju laugardaginn 31. okt. kl. 10:00 – 16:00. Þetta er kærkomin stund í þögn, í endurnæringu, að líta inn á við og til hins æðra. Samveran hefst með kynningu og tvöfaldri 20 mín kyrrðarbæn með gönguíhugun á milli. Það verður léttur hádegisverður, biblíuleg- og sjónræn íhugun á freskum í kirkjunni, djúpslökun, og frjáls hvíldartími. Það er gott að hafa með sér dýnu og teppi fyrir djúpslökunina, hlýja peysu og útivistarföt, bók eða íhugunarefni, einnig verður lesefni til að glugga í á staðnum.

Gengið er inn í þögnina að kynningu lokinni og hún rofin undir lok samveru þar sem gefst færi á samtali. Umsjón hafa Bergþóra Baldursdóttir, Bára Friðriksdóttir og Ingunn Björnsdóttir en þær hafa allar kennsluréttindi í kyrrðarbæn.

Verð er 5.000 krónur og er hádegisverður innifalinn. Lagt er inn á 0114-26-001513 kt. 450613-1500.

Skráning hér: Skráning á kyrrðardag

Árleg Blómasala Systrafélagsins er hafin og er opin kl. 11:00 – 18:00 dagana 29. maí – 5. júní. Eru bæjarbúar hvattir til að koma og kaupa sumarblóm af Systrunum og styrkja um leið félagið en blómasalan er helsta fjáröflun þess.

Aðalsafnaðarfundur verður haldinn í safnaðarheimili kirkjunnar sunnudaginn 12. apríl strax að lokinni guðsþjónustu í kirkjunni – eða um kl. 12:00. Á dagskrá verða venjulega aðalfundarstörf.

Skráning er hafin í fermingarstarf Víðistaðakirkju 2026-2027 og fermingu vorið 2027. Skráningin fer fram hér.

Hér má sjá yfirlit yfir helgihaldið í Víðistaðakirkju um jól og áramót:

Árlegir Vetrardagar hefjast þann 1. nóvember nk. og standa yfir til 9. nóvember. Að vanda verður ýmislegt á dagskránni og er hægt að skoða hana hér að neðan og á Facebook og Instagram síðum kirkjunnar:

Kyrrðarstundir hefjast aftur í næstu viku – miðvikudaginn 17. sept. kl. 12:10 – og verða vikulega á þessum tíma til loka nóvember. Boðið er upp á súpu og brauð í safnaðarheimilinu eftir stundina.

Verið velkomin!

Líkt og undanfarin ár verður Víðistaðakirkja í samstarfi við aðrar kirkjur í Hafnarfirði og Garðabæ um verkefnið Sumarkirkjan í Garðakirkju. Þar verða Sumarmessur á vegum þessara kirkna alla sunnudaga í sumar kl. 11:00 – í júní, júlí og ágúst. Eftir hverja messu er svo boðið upp á hressingu í hlöðunni á Króki ásamt skemmtilegri dagskrá. Sjá áætlun hér að neðan:

Fermingarskráning er hafin í fermingarstarf Víðistaðakirkju veturinn 2025 – 2026 og fermingu vorið 2026. Skráið hér.