Vetrardagar í Víðistaðakirkju hefjast fimmtudaginn 29. október Vetrardagar eru árlegur menningar- og safnaðarviðburður sem boðar komu vetrarins með fjölbreyttri dagskrá. Dagskráin hefst með tónleikum fimmtudaginn 29. október en þar flytja Björk Níelsdóttir söngkona og Sveinn Arnar Sæmundsson organisti, lög úr Íslensku söngvasafni. https://fb.me/e/7sFrprc7b Hér má sjá dagskrá Vetrardaga:

Kyrrðarstundir hefjast aftur miðvikudaginn 7. október kl. 12.10. Að lokinni notalegri og friðsælli stund í kirkjunni er boðið upp á súpu og brauð í safnaðarsal. Hægt er að koma fyrirbænaefnum til sóknarprests eða skrá hér. Kyrrðarstund verður svo vikulega á sama tíma í október og nóvember. Hlé verður gert á kyrrðarstundum í desember en þær hefjast svo aftur fljótlega á nýju ári.

Kyrrðardagur í Víðistaðakirkju laugardaginn 31. okt. kl. 10:00 – 16:00. Þetta er kærkomin stund í þögn, í endurnæringu, að líta inn á við og til hins æðra. Samveran hefst með kynningu og tvöfaldri 20 mín kyrrðarbæn með gönguíhugun á milli. Það verður léttur hádegisverður, biblíuleg- og sjónræn íhugun á freskum í kirkjunni, djúpslökun, og frjáls hvíldartími. Það er gott að hafa með sér dýnu og teppi fyrir djúpslökunina, hlýja peysu og útivistarföt, bók eða íhugunarefni, einnig verður lesefni til að glugga í á staðnum. Gengið er inn í þögnina að kynningu lokinni og hún rofin undir lok samveru þar sem gefst færi á samtali. Umsjón hafa Bergþóra Baldursdóttir, Bára Friðriksdóttir og Ingunn Björnsdóttir en þær hafa allar kennsluréttindi í kyrrðarbæn. Verð er 5.000 krónur og er hádegisverður innifalinn. Lagt er inn á 0114-26-001513 kt. 450613-1500. Skráning hér: Skráning á kyrrðardag

Árleg Blómasala Systrafélagsins er hafin og er opin kl. 11:00 – 18:00 dagana 29. maí – 5. júní. Eru bæjarbúar hvattir til að koma og kaupa sumarblóm af Systrunum og styrkja um leið félagið en blómasalan er helsta fjáröflun þess.