Mæðgurnar Hanna Björk Guðjónsdóttir og Björg Birgisdóttir, hljómsveit Agnars Más Magnússonar og Söngskólinn Domus vox flytja lög úr söngleikjum og kvikmyndum.
Miðasala á tix.is – Miðaverð kr. 4.500,-
Viðburðurinn er liður í dagskrá Vetrardaga í Víðistaðakirkju.
Kertasmiðja með Ísabellu Leifsdóttur fyrir alla fjölskylduna. Takið með hvers kyns ílát, svo sem gamlar dósir, krukkur, blómapotta eða annað fallegt og við gerum saman haustkerti.
Skráning er nauðsynleg og eru einungis 30 pláss í smiðjuna.
Börn skulu vera í fylgd fullorðinna og allir þurfa að skrá sig.
Skráning í netfanginu: pinkupcycling@gmail.com
Viðburðurinn er liður í dagskrá Vetrardaga í Víðistaðakirkju
Kór Víðistaðasóknar flytur létta dagskrá undir stjórn Sveins Arnars organista. Meðal annars verður kynning á svokölluðum “druslum” en druslur eru veraldlegir textar við þekkt sámlalög sem voru notaðir til að æfa og kenna sálmalög hér áður fyrr, þar sem réttu textarnir þóttu of heilagir til að syngja annarsstaðar en í messum. Og Bítlarnir koma líka við sögu!!
Kótilettukvöld í safnaðarsalnum á eftir eða um kl. 19:30.
Kórdagsskrá og kótilettukvöld kostar 5.000,- kr.
Skráning: kirkjuvordur@vidistadakirkja.is / 891-8477
Viðburðurinn er liður í Vetrardögum Víðistaðakirkju og Kirkjulistaviku Kjalarnessprófastsdæmis.
Orgelandakt og kyrrðarstund. Sveinn Arnar leikur íslensk orgelverk og kyrrðarstund hefst kl. 12.10. Íslensk kjötsúpa í safnaðarsal eftir stundina. Viðburðurinn er liður í dagskrá Vetrardaga í Víðistaðakirkju.
Verið velkomin!
Árlegir Vetrardagar í Víðistaðakirkju verða nú dagana 29. október – 5. nóvember. Að vanda verður boðið upp á fjölbreytta dagskrá eins og sjá má auglýsingunni hér fyrir neðan.
Kirkjulistavika Kjalarnessprófastsdæmis verður dagana 29. október – 5. nóvember – og er samstarfsverkefni allra safnaða prófastsdæmisins. Þar er boðið upp á fjölbreytta dagskrá eins og sjá má á meðfylgjandi auglýsingu. Viðburðir hér í Víðistaðakirkju eru jafnframt hluti af Vetrardögum í Víðistaðakirkju sem standa yfir þessa sömu viku.
Sunnudagaskóli kl. 10:00. Fjölbreytt og skemmtileg stund fyrir börn á öllum aldri – í umsjá Ísabellu og Helga.
Tónlistarguðsþjónusta kl. 11:00 og Vetrardagar í Víðistaðakirkju hefjast. Sóknarbandið sér um tónlistarflutning og sóknarprestur þjónar.
Veitingar í safnaðarsal á eftir. Verið velkomin!
Miðvikudaginn 25. október kl. 20:00 munu organistarnir Arnór Vilbergsson, Jón Bjarnason, Sveinn Arnar Sæmundsson og Viðar Guðmundsson bjóða upp á tónleika í Víðistaðakirkju.
Nistarnir, eins og þeir kalla sig, gefa tónleikagestum innsýn í töfraveröld orgelsins og flytja óhefðbundna orgeltónlist við dægurlög og kvikmyndatónlist. Þá taka þeir upp fleiri hljóðfæri eftir því sem líður á tónleikana.
Nistarnir eru líka syngjandi organistar og stíga því á stokk og taka saman nokkur lög. Sérstakur heiðursgestur á tónleikunum er Jón Þorsteinn Reynisson harmonikkusnillingur.
Tónleikarnir eru fyrir alla aldurshópa og eru mjög fjölbreyttir og því líklegt að allir geti fundið eitthvað við sitt hæfi.
Aðgangseyrir er 2.500 krónur. Miðasala í gegnum tix, en einnig verður hægt að kaupa miða við inngang.
Kyrrðarbænasamtökin á Íslandi ásamt Víðistaðakirkju og Hafnarfjarðarkirkju bjóða upp á námskeið um Kyrrðarbæn í Víðistaðakirkju.
Námskeiðið fer fram í tveimur hlutum sá fyrri er fimmtudaginn 2. nóvember kl. 17.30-19.30 og sá seinni viku seinna fimmtudaginn 9. nóvember kl. 17.30-19.30.
Kyrrðarbæn er íhugunaraðferð úr kristinni hefð sem hefur verið stunduð í einhverri mynd alveg frá frumkristni. Á námskeiðinu verður fjallað um þessa íhugunaraðferð, hún kennd og iðkuð.
Kyrrðarbæn er afar einföld iðkun sem fer fram í þögn og gengur út á að hvíla í nærveru Guðs og samþykkja verk heilags anda innra með okkur. Þótt aðferðin sé einföld hefur hún umbreytandi áhrif á iðkandann með auknum andlegum þroska sem leiðir m.a. til aukinnar sjálfsþekkingar og dýpra sambands við Guð og menn.
Kennarar námskeiðsins eru Bergþóra Baldursdóttir og Bylgja Dís Gunnarsdóttir en þær eru báðar með kennsluréttindi í Kyrrðarbæn og hafa ástundað hana um árabil. Bergþóra og Bylgja Dís sjá um Kyrrðarbænastundir sem fara fram í Víðistaðakirkju á fimmtudögum kl. 17.30.
Verð: 4.000 kr. Innifalið er léttur kvöldverður bæði kvöldin og námsgögn.
Skráning: https://kyrrdarbaen.skramur.is/input.php?id=18 Nokkrum dögum fyrir námskeiðið fá þátttakendur kröfu í heimabankann sinn fyrir námskeiðsgjaldinu.
Nánari upplýsingar: bylgja@hafnarfjardarkirkja.is.
Sunnudagaskóli kl. 10:00. Fjölbreytt, fræðandi og fjörug stund í umsjá Ísabellu og Helga.
Messa kl. 11:00. Kór Víðistaðasóknar syngur undir stjórn Sveins Arnars organista og sr. Stefán Már Gunnlaugsson héraðsprestur þjónar með aðstoð messuþjóna kirkjunnar.
Kaffihressing í safnaðarheimilinu að messu lokinni.
Verið velkomin!
Víðistaðakirkja
Garðavegi 23, 220 Hafnarfjörður
Símar í Víðistaðakirkju
Sóknarprestur: 565-2050
Kirkjuvörður: 565-2051
Organisti: 865-8974
Viðtalstímar sóknarprests:
Alla virka daga nema mánudaga
kl. 11.00 – 12.00
og eftir samkomulagi.
Neyðarþjónusta presta
Vaktsími: 659 7133
Prestarnir í Hafnarfirði og Garðabæ hafa með sér samstarf
um vaktsíma utan venjulegs skrifstofutíma. Hægt er að hringja í símann
vegna aðkallandi málefna sem ekki þola bið fram á næsta dag.
