Allra heilagra messa er á sunnudaginn kemur þann 4. nóvember. Þá kemur fólk saman til messu í kirkjunni og minnist látinna ástvina sinni. Messan hefst kl. 11:00. Sjá hér.
Gissur Páll á hádegistónleikum
Gissur Páll, tenórsöngvari, og Árni Heiðar Karlsson, organisti í Víðistaðakirkju, hafa verið á ferðinni um landið síðasta árið og munu nú spila á hádegistónleikum í Víðistaðakirkju föstudaginn 2. nóvember kl. 12:00 – 12:30. Á efnisskránni er úrval laga úr íslenska sönglagasafninu auk nokkurra ítalskra napólílaga og skandinavískra slagara. Tónleikarnir eru með óhefðbundnu sniði og óhætt að segja að allir muni hafa gaman af.
Aðgangseyrir að tónleikunum er kr. 1.000,- og ef fólk vill setjast niður í safnaðarheimilinu eftir tónleika og gæða sér á gómsætri súpu þá kostar það 500,- kr. til viðbótar. Allur ágóði rennur í orgelsjóð kirkjunnar.
Fyrirlestur um Samskiptaboðorðin
Aðalbjörg Stefanía Helgadóttir skólahjúkrunarfræðingur heldur fræðslufyrirlestur um uppbyggileg samskipti fullorðinna og barna með Samskiptaboðorðin að leiðarljósi sem hún bjó til og gaf út fyrr á þessu ári. Fyrirlesturinn fer fram í safnaðarsalnum miðvikudaginn 31. október kl. 20:00.
Myndlistarsýning
Á sunnudaginn mun hafnfirski myndlistarmaðurinn Gunnlaugur Stefán Gíslason opna sýningu á nokkrum verkum sínum í safnaðarsal Víðistaðakirkju. Er sýningin liður í dagskrá Vetrardaga í Víðistaðakirkju. Opnunin fram í messukaffi að lokinni guðsþjónustu.
Þrestir syngja
Guðsþjónustan á sunndaginn kemur, þann 28. október, markar upphaf Vetrardaga í Víðistaðakirkju að þessu sinni. Í guðsþjónustunni mun Karlakórinn Þrestir syngja undir stjórn Jóns Kristins Cortes. Boðið verður upp á veitingar í safnaðarsal að guðþjónustu lokinni. Sjá hér!
Ragnheiður Gröndal syngur á sunnudaginn
Konur munu sjá um alla þjónustu í guðsþjónustunni á sunnudaginn kemur utan kirkjuvarðar Karls Kristensen. Sr. Kristín Þórunn Tómasdóttir héraðsprestur sér um prestsþjónustuna, Ragnheiður Gröndal um allan tónlistarflutning og síðan munu konur úr hópi messuþjóna einnig taka þátt í guðsþjónustunni.
Sunnudagaskólinn verður svo að venju uppi í suðursalnum. Þar er boðið up á skemmtilega dagskrá fyrir börn á öllum aldri.
Helgihald sunnudaginn 14. október
Messa og barnaguðsþjónusta (sunnudagaskólinn) kl. 11:00 á sunnudaginn kemur. Nánar hér.
Ljósmyndasamkeppni
Víðistaðakirkja efnir til ljósmyndasamkeppni í tilefni af 25 ára vígsluafmæli kirkjunnar á næsta ári. Tilgangur keppninnar er að vekja athygli á þeim tímamótum, kirkjunni sjálfri, starfi hennar og fallegu umhverfinu á Víðistaðatúni. Þema keppninnar er „Víðistaðakirkja – Víðistaðatún“ og þurfa myndirnar því að vera teknar á því svæði. Hver keppandi getur sent inn eins margar myndir og hann vill og þær mega vera teknar hvenær sem er. Nýheri styrkir keppnina og veitir vegleg verðlaun fyrir 3 bestu myndirnar, í 1. verðlaun er Canon Powershot A2400 IS Silver myndavél, 2. verðlaun Canon PIXMA iP4950 prentari og 3. verðlaun Pro 61,2 -151,4 cm þrífótur frá Camlink. Skilafrestur er 31. október nk. Myndir sendist á netfangið srbragi@vidistadakirkja.is merktar ljósmyndasamkeppni. Sjá nánar hér.
Bæn og biblíuleg íhugun
Miðvikudaginn 10. október verður haldið námskeið um bæn og biblíulega íhugun í Víðistaðakirkju í Hafnarfirði. Fjallað verður um fornar og nýjar aðferðir við að tengja saman bæn og lestur Biblíunnar. Sérstök áhersla verður lögð á aðferð sem nefnist Lectio Divina og felur í sér innlifun í ákveðnar biblíufrásagnir. Fá þátttakendur bæklinginn Skóli Orðsins í hendur. Kennari á námskeiðinu er María Ágústsdóttir, verkefnisstjóri á Biskupsstofu. Námskeiðið stendur yfir frá kl. 18 til kl. 20 og er boðið upp á hressingu í hléi. Ekkert þátttökugjald er en mikilvægt að skrá sig á netfangið kristin.arnardottir@kirkjan.is eða í síma 528 4000.
Fjölskylduhátíð
Fjölskylduhátíð á sunnudaginn þann 7. október. Barna- og unglingakórinn syngur undir stjórn Áslaugar Bergsteinsdóttur. Sjá nánar hér.
