Sunnudaginn 24. nóvember kemur Gaflarakórinn í heimsókn og syngur við guðsþjónustu kl. 11:00 undir stjórn Kristjönu Þ. Ásgeirsdóttur. Sóknarprestur þjónar með aðstoð messuþjóna. Hressing í safnaðarsal á eftir. Verið velkkomin!
Messa
Messa sunnudaginn 17. nóvember kl. 11:00. Kór Víðistaðasóknar syngur undir stjórn Helgu Þórdísar organista og sr. Stefán Már Gunnlaugsson þjónar með aðstoð messuþjóna. Hressing í safnaðarsal á eftir. Verið velkomin!
Íhugun og djúpslökun
Boðið verður upp á Kristna íhugun og djúpslökun í kirkjunni á laugardagsmorguninn 16. nóvember kl. 9:30 – 10:30. Umsjón hafa Ástríður Kristinsdóttir hjúkrunarfræðingur og Bergþóra Baldursdóttir sjúkraþjálfari. Fyrir stundina er gott að taka með sér æfingadýnu eða teppi til að liggja á og eitthvað til að breiða yfir sig í slökuninni. Íhugunartónlist hljómar frá kl. 9:10. Verið hjartanlega velkomin!
„Leikreglur karlmennskunnar“
Fyrirlestur fimmtudagskvöldið 7. nóvember kl. 20:00 í flutningi Þorsteins V. Einarssonar. Aðalmarkmið fyrirlestursins er að hrista upp í viðteknum hugmyndum um karlmennsku og kynhlutverk, benda á endurteknar birtingamyndir karlmennsku og staðalmyndir um kyn og svara því hvers vegna og hvernig karlar geti tekið þátt í að skapa jafnrétti í sínu umhverfi. Þorsteinn V. Einarsson flytur fyrirlesturinn en hann er meistaranemi í kynjafræði og sér um samfélagsmiðilinn Karlmennskan á Facebook og Instagram.
Vetrardagar
Dagskrá „Vetrardaga í Víðistaðakirkju“
Allra heilagra messa
Guðsþjónusta á allra heilagra messu sunnudaginn 3. nóvember kl. 11:00. Látinna minnst. Kór Víðistaðasóknar syngur undir stjórn Helgu Þórdísar organista og Ólafur Freyr Birkisson syngur einsöng. Sóknarprestur þjónar með aðstoð messuþjóna. Veitingar í safnaðarheimili að guðsþjónustu lokinni. Þá um leið opnar myndlistarsýning Ragnheiðar Líneyjar Pálsdóttur í salnum. Verið velkomin!
