Kyrrðarstundir hefjast aftur miðvikudaginn 2. október kl. 12:20. Þær verða með sama formi og áður, nærandi stundir með fyrirbænum og notalegri tónlist. Hægt er að koma fyrirbænaefnum til sóknarprests eða skrá þau hér. Að lokinni stund í kirkjunni er boðið upp á súpu og brauð í safnaðarheimilinu.
Verið velkomin!
Fjölskylduhátíð og sunnudagaskóli sunnudaginn 29. sept. kl. 11:00. Söngfuglar Víðistaðakirkju, sálmalukkuhjól, sunnudagsbío og fleira sekemmtilegt. Umsjá hafa Bragi, Ísabella, Helgi og Arnar.
Léttur dögurður í safnaðarsal á eftir.
Verið velkomin!
Kyrrðarbænastundir í Víðistaðakirkju hefjast að nýju þann 26. september kl. 17:30. Umjón með stundunum hafa Bergþóra Baldursdóttir, Jón Snorrason og sr. Jónína Ólafsdóttir. Kyrrðarbænastundirnar eru samstarfsverkefni Hafnarfjarðarkirkju og Víðistaðakirkju og verða þær á fimmtudögum.
Á Kyrrðarbænastundum eru iðkaðar íhugunaraðferðir úr kristnum arfi.
Verið hjartanlega velkomin
Messa kl. 11:00. Kór Víðistaðsóknar syngur undir stjórn Sveins Arnars organista og sr. Sigurður Kr. Sigurðsson prédikar og þjónar fyrir altari.
Sunnudagaskóli kl. 11:00 uppi í Suðursal. Fjörug og fræðandi stund fyrir börn á öllum aldri í umsjá Ísabellu og Helga.
Hressing í safnaðarsal á eftir.
Verið velkomin!
Krílasálmanámskeið verða nú aftur í boði í Víðistaðakirkju eins og fyrir nokkrum árum. Krílasálmar eru tónlistarnámskeið fyrir 3-12 mánaða börn og hefst fyrsta námskeiðið þann 3. október nk. og verður á fimmtudögum kl. 11:00 – 11:45 – í 4 skipti, lýkur fimmtudaginn 24. október. Námskeiðið er opið öllum og í boði kirkjunnar gjaldfrjálst. Takmarkaður fjöldi kemst að á hvert námskeið.
Ísabella Leifsdóttir söngkona kennir og veitir frekari upplýsingar í tölvupósti ladivarosa@gmail.com
Krílasálmar eru tækifæri til að eiga ljúfa stund í kirkjunni með börnunum. Engrar færni í söng er krafist. Á námskeiðinu leikum við okkur, dönsum og syngjum saman sálma og þekkt barnalög. Foreldrar læra að nota söng og tónlist í umönnun barnanna og börnin læra smám saman með. Við leggjum einnig áherslu á hlustun og þess að njóta samverunnar í notalegri kirkjunni.
Nánari upplýsingar og skráning – smellið á auglýsinguna hér að neðan:
Fjölskylduhátíð og sunnudagaskóli kl. 11:00. Klara Elías söngkona kemur í heimsókn og syngur nokkur lög m.a. með Barnakór Víðistaðakirkju undir stjórn Sveins Arnars organista. Sr. Bragi og Ísabella leiða stundina.
Hressing á eftir og samvera með fermingarbörnum og foreldrum.
Verið velkomin!
Minningarstund sunnudaginn 8. sept. kl. 17:00 í tilefni af alþjóðlegum forvarnardegi sjálfsvíga. Guðrún Jóna Guðlaugsdóttir verkefnastjóri sjálfsvígsforvarna hjá embætti landlæknis flytur hugvekju. Kór Víðistaðasóknar syngur undir stjórn Sveins Arnars organista og Edda Sólveig Þórarinsdóttir syngur einsöng. Sr. Bragi leiðir stundina.
Guðsþjónusta sunnudaginn 1. september kl. 11:00. Kór Víðistaðasóknar syngur undir stjórn Sveins Arnars Sæmundssonar organista og sr. Bragi J. Ingibergsson sóknarprestur þjónar fyrir altari.
Verið velkomin!
Sumarmessa í Garðakirkju kl. 11:00 í umsjón Víðistaðakirkju. Prestur. Sr. Bragi J. Ingibergsson og organisti Sveinn Arnar Sæmundsson. Félagar úr Kór Víðistaðasóknar leiða almennan söng.
Kaffi í hlöðunni á Króki á eftir og þar mun sóknarbandið spila.
Verið velkomin!
Hér má sjá yfirlit yfir Sumarmessurnar í Garðakirkju sem fram fara í ágúst:
Víðistaðakirkja
Garðavegi 23, 220 Hafnarfjörður
Símar í Víðistaðakirkju
Sóknarprestur: 565-2050
Kirkjuvörður: 565-2051
Organisti: 865-8974
Viðtalstímar sóknarprests:
Alla virka daga nema mánudaga
kl. 11.00 – 12.00
og eftir samkomulagi.
Neyðarþjónusta presta
Vaktsími: 659 7133
Prestarnir í Hafnarfirði og Garðabæ hafa með sér samstarf
um vaktsíma utan venjulegs skrifstofutíma. Hægt er að hringja í símann
vegna aðkallandi málefna sem ekki þola bið fram á næsta dag.
