Sameiginleg guðsþjónusta kl. 14:00 í Vídalínskirkju í Garðabæ fyrir eldri borgara í Víðistaðasókn, Bessastaðasókn og Garðasókn. Gaflarakórinn syngur undir stjórn Helgu Þórdísar Guðmundsdóttur og sr. Bragi J. Ingibergsson þjónar fyrir altari. Kaffiveitingar á eftir í boði Vídalínskirkju. Verið velkomin!
Sunnudaginn 15. desember verður haldin kósý jólafjölskyldustund í Víðistaðakirkju kl. 11. Við munum syngja jólalög, spila á gítar, dansa og lesa jólasögu. Eftir stundina verður kósý samvera í samkomusalnum þar sem boðið verður upp á heitt súkkulaði og smákökur.
Stundina leiða Margrét Lilja Vilmundardóttir, guðfræðinemi og Helga Þórdís, organisti. Hlökkum til að sjá ykkur!
Guðsþjónusta 2. sunnudag í aðventu 8. desember kl. 11:00. Kór Víðistaðasóknar syngur undir stjórn Helgu Þórdísar organista og sóknarprestur þjónar með aðstoð messuþjóna. Kaffi og smákökur í safnaðarsal að messu lokinni. Verið velkomin!
Aðventuhátíð 1. sunnudag í aðventu 1. des. kl. 17:00. Regína Ósk söngkona syngur ásamt kirkjukór og barnakór undir stjórn Helgu Þórdísar organista. Margrét Lilja Vilmundardóttir kirkjuvörður flytur hugvekju. Kór Víðistaðasóknar býður upp á létt hlaðborð gegn vægu gjaldi að athöfn lokinni. Verið velkomin!
Sunnudaginn 24. nóvember kemur Gaflarakórinn í heimsókn og syngur við guðsþjónustu kl. 11:00 undir stjórn Kristjönu Þ. Ásgeirsdóttur. Sóknarprestur þjónar með aðstoð messuþjóna. Hressing í safnaðarsal á eftir. Verið velkkomin!
Boðið verður upp á Kristna íhugun og djúpslökun í kirkjunni á laugardagsmorguninn 16. nóvember kl. 9:30 – 10:30. Umsjón hafa Ástríður Kristinsdóttir hjúkrunarfræðingur og Bergþóra Baldursdóttir sjúkraþjálfari. Fyrir stundina er gott að taka með sér æfingadýnu eða teppi til að liggja á og eitthvað til að breiða yfir sig í slökuninni. Íhugunartónlist hljómar frá kl. 9:10. Verið hjartanlega velkomin!
Fyrirlestur fimmtudagskvöldið 7. nóvember kl. 20:00 í flutningi Þorsteins V. Einarssonar. Aðalmarkmið fyrirlestursins er að hrista upp í viðteknum hugmyndum um karlmennsku og kynhlutverk, benda á endurteknar birtingamyndir karlmennsku og staðalmyndir um kyn og svara því hvers vegna og hvernig karlar geti tekið þátt í að skapa jafnrétti í sínu umhverfi. Þorsteinn V. Einarsson flytur fyrirlesturinn en hann er meistaranemi í kynjafræði og sér um samfélagsmiðilinn Karlmennskan á Facebook og Instagram.
Víðistaðakirkja
Garðavegi 23, 220 Hafnarfjörður
Símar í Víðistaðakirkju
Sóknarprestur: 565-2050
Kirkjuvörður: 565-2051
Organisti: 865-8974
Viðtalstímar sóknarprests:
Alla virka daga nema mánudaga
kl. 11.00 – 12.00
og eftir samkomulagi.
Neyðarþjónusta presta
Vaktsími: 659 7133
Prestarnir í Hafnarfirði og Garðabæ hafa með sér samstarf
um vaktsíma utan venjulegs skrifstofutíma. Hægt er að hringja í símann
vegna aðkallandi málefna sem ekki þola bið fram á næsta dag.
