Skráning er hafin fyrir fermingar vorið 2015. Sent hefur verið bréf í hefðbundnum pósti til allra barna í Víðistaðasókn sem fædd eru árið 2001 – óháð trúfélagsaðild – til kynningar á fermingarstarfi Víðistaðakirkju. Með bréfinu fylgir skráningarblað sem foreldrar þeirra barna sem hyggjast fermast í kirkjunni að ári eru beðnir um að fylla út og koma til skila sem fyrst. tekið verður á móti skráningum eftir guðsþjónustu á sunnudaginn kemur 25. maí sem hefst kl. 20:00. Einnig er hægt að koma með skráningarblöðin í kirkjuna hvenær sem er, senda í pósti eða netpósti á srbragi@vidistadakirkja.is. Hægt að nálgast skráningarformið hér.
Kvöldmessa
Á sunnudaginn kemur, þann 18. maí, verður kvöldmessa kl. 20:00. Kór víðistaðasóknar syngur undir stjórn Helgu Þórdísar Guðmundsdóttur organista og sóknarprestur þjónar. Verið velkomin!
Tónlistarmessa í Víðistaðakirkju sunnudaginn 11. maí kl. 11.00
Tónlistarmessa verður í Víðistaðakirkju sunnudaginn 11. maí kl. 11.00
Ragnheiður Gröndal sér um tónlstina og sr. Gunnar Jóhannesson predikar.
Allir eru hjartanlega velkomnir.
Blómamessa – Vorhátíð
Hin árlega blómamessa verður á sunnudaginn kemur þann 27. apríl kl. 11.00. Þá er jafnframt vorhátíð Víðistaðakirkju og er sérstaklega vænst góðrar þátttöku barna og unglinga í æskulýðsstarfi kirkjunnar og fjölskyldna þeirra. Í guðþjónustunni syngur Barnakór kirkjunnar undir stjórn Helgu Þórdísar Guðmundsdóttur organista og sóknarprestur þjónar með aðstoð umsjónarfólks sunnudagaskólans. Að lokinni guðþjónustu verður boðið upp á grillaðar pylsur á kirkjutorginu og farið í leiki ef aðstæður leyfa. Verið velkomin!
Hátíðarmessa á páskadagsmorgni
Hátíðarmessa verður kl. 8:00 á páskadagsmorgni, þann 20. apríl nk. Kór Víðistaðasóknar syngur undir stjórn Helgu Þórdísar Guðmundsdóttur og sóknarprestur þjónar fyrir altari og prédikar. Boðið verður upp á veitingar í safnaðarheimilinu að messu lokinni. Verið velkomin!
Guðsþjónusta á föstudaginn langa
Á föstudaginn langa verður guðsþjónusta kl. 11:00. Kór Víðistaðasóknar syngur undir stjórn Helgu Þórdísar Guðmundsdóttur. Sóknarprestur þjónar fyrir altari.
Fermingarmessa III
Þriðja og síðasta fermingarmessan í vor verður á skírdag þann 17. apríl kl. 10:30. Kór Víðistaðasóknar syngur undir stjórn Helgu Þórdísar Guðmundsdóttur og sóknarprestur fermir. Sjá nöfn fermingarbarnanna hér.
Fermingarmessa II
Þá er komið að öðrum fermingarhópnum. Fermt verður í messu á pálmasunnudag 13. apríl kl. 10:30. Kór Víðistaðasóknar syngur undir stjórn Helgu Þórdísar Guðmundsdóttur organista og sóknarprestur þjónar. Sjá nöfn fermingarbarnanna hér.
Fermingarmessa I
Fyrsta fermingarmessan verður á sunnudaginn kemur, 6. apríl kl. 10:30. Kór Víðistaðasóknar syngur undir stjórn Helgu Þórdísar Guðmundsdóttur organista og sóknarprestur þjónar. Fermd verða – sjá hér.
Fjölskylduhátíð
Fjölskylduhátíð á sunnudaginn kemur, þann 30. mars, kl. 11:00. Barnakór Víðistaðakirkju syngur undir stjórn Helgu Þórdísar Guðmundsdóttur, sóknarprestur þjónar og nýtur aðstoðar umsjónarfólks sunnudagaskólans. Verið velkomin!
