Fjölskylduhátíð sunnudaginn 3. sept. kl. 11:00 í umsjá Braga J. Ingibergssonar sóknarprests og Sveins Arnars Sæmundssonar organista. Barnakórinn mætir og hitar upp fyrir vetrarstarfið með öðrum kirkjugestum í almennum söng. Hressing í safnaðarsal að guðsþjónustu lokinni.
Verið velkomin!
Starf kirkjuvarðar er laust til umsóknar. Umsóknarfrestur er til 26. júní nk. nánari upplýsingar um starfsvið og hæfniskröfur má sjá hér á meðfylgjandi auglýsingu.
Hjólreiðamessa sunnudaginn 18. júní. Hjólað er á milli kirknanna í hafnarfirði og Garðabæ og enda í Sumarmessu í Garðakirkju kl. 11:00. Tímasetningar má sjá á auglýsingunni:
Eins og undanfarin ár verða sumarmessur í Garðakirkju á Álftanesi. Um er að ræða samstarfsverkefni Þjóðkirkjusafnaðanna í Hafnarfirði, Garðabæ og Álftanesi og Fríkirkjunnar í Hafnarfirði sem nefnist Sumarkirkjan. Það felur í sér að kirkjurnar sameinast um guðsþjónustuhald í júní, júlí og ágúst í Garðakirkju. Sumarmessur í Garðakirkju verða því á hverjum sunnudegi í sumar kl. 11:00. Eftir messu hverju sinni verður boðið upp á messukaffi og ýmiss konar viðburði í hlöðunni á Króki. Sjá nánar á Fb-síðu Sumarkirkjunnar.
Kór Víðistaðasóknar syngur undir stjórn Sveins Arnars Sæmundssonar organista og Edda Sólveig Þórarinsdóttir syngur einsöng. Bragi J. Ingibergsson sóknarprestur þjónar fyrir altari.
Fyrir messu verður blómsveigur lagður að Altari sjómannsins, minnismerki um horfna sjómenn.
Verið velkomin!
Hátíðarhelgistund á hvítasunnudagskvöld kl. 20:00. Félagar úr Kór Víðistaðasóknar syngja undir stjórn Ólafs W. Finnssonar og sr. Sighvatur Karlsson þjónar fyrir altari.
Verið velkomin!
Sameiginlegir tónleikar norska kórsins John Tinnics frá Kristiansand í Noregi og Kórs Víðistaðasóknar kl. 20:00 föstudaginn 19. maí.
John Tinnics er blandaður kór með 20 söngglöðum félögum á öllum aldri. Kórarnir syngja í sitthvoru lagi en sameinast þó í einu lagi. Stjórnendur kóranna eru þau Irmelinn Ramo og Sveinn Arnar Sæmundsson.
Sameiginleg guðsþjónusta Víðistaðasóknar og Hafnarfjarðarsóknar á degi eldri borgara 18. maí kl. 14:00. Gaflarakórinn syngur undir stjórn Kristjönu Þ. Ásgeirsdóttur og Sveinn Arnar Sæmundsson organisti spilar. Sr. Sighvatur Karlsson prédikar og þjónar fyrir altari ásamt sr. Braga J. Ingibergssyni.
Veislukaffi í safnaðarsalnum að guðsþjónustu lokinni.
Verið velkomin!
Guðsþjónusta kl. 11:00. Gregorskórinn Cantores Islandiae syngur undir stjórn Ágústs Inga Ágústssonar – og sóknarprestur þjónar með aðstoð messuþjóna kirkjunnar.
Aðalsafnaðarfundur hefst að lokinni guðsþjónustu í safnaðarheimilinu – eða um kl. 12:00. Á dagskrá eru hefðbundin aðalfundarstörf. Boðið verður upp á súpu og brauð.
Verið velkomin!
Sunnudaginn 7. maí kl. 11:00 höldum við fjölskyldu- og vorhátíð hér í Víðistaðakirkju. Barnakór kirkjunnar syngur undir stjórn Sveins Arnars og Benni Sig leiðir stundina. Sérstakur gestur er Steinunn Ása Þorvaldsdóttir sem syngur með barnakórnum. Eftir stundina verða grillaðar pylsur á kirkjutorginu.Tilvalið fyrir alla fjölskylduna að koma og eiga góða stund. Verið velkomin!
Víðistaðakirkja
Garðavegi 23, 220 Hafnarfjörður
Símar í Víðistaðakirkju
Sóknarprestur: 565-2050
Kirkjuvörður: 565-2051
Organisti: 865-8974
Viðtalstímar sóknarprests:
Alla virka daga nema mánudaga
kl. 11.00 – 12.00
og eftir samkomulagi.
Neyðarþjónusta presta
Vaktsími: 659 7133
Prestarnir í Hafnarfirði og Garðabæ hafa með sér samstarf
um vaktsíma utan venjulegs skrifstofutíma. Hægt er að hringja í símann
vegna aðkallandi málefna sem ekki þola bið fram á næsta dag.
