Aðventuhátíðin sem vera átti 1. sunnudag í aðventu 28. nóv. nk. fellur niður vegna fjöldatakmarkana.
Guðsþjónusta
Guðsþjónusta sunnudaginn 21. nóvember kl. 11:00. Sr. Stefán Már Gunnlaugsson héraðsprestur þjónar fyrir altari og Sigrún Dóra Jóhannsdóttir leiðir söng við undirleik Sveins Arnars Sæmundssonar organista. Verið velkomin!
Allra heilagra messa
Guðsþjónusta á allra heilagra messu sunnudaginn 7. nóv. kl. 11:00. Látinna minnst. Kór Víðistaðasóknar syngur undir stjórn Sveins Arnars organista og sóknarprestur þjónar með aðstoð messuþjóna kirkjunnar. Kaffihressing í safnaðarheimilinu að guðsþjónustu lokinni. Verið velkomin!
Fjölskylduhátíð
Fjölskylduhátíð sunnudaginn 31. okt. kl. 11:00. Barnakór Víðistaðakirkju syngur undir stjórn Sveins Arnars organista og sóknarprestur leiðir stundina. Vöfflukaffi í safnaðarsal eftir stundina. Verið velkomin!
Sunnudagaskóli
Sunnudagaskóli sunnudaginn 31. okt. kl. 10:00 eins og alla aðra sunnudaga í vetur. Umsjón hafa Benni Sig og Helga Bragadóttir. Fjölbreyttar, fræðandi og fjörugar stundir fyrir börn á öllum aldri. Djús, kex og föndur í safnaðarsal á eftir. Verið velkomin!
Leiksýning: Gísli á Uppsölum
Fimmtudagskvöldið 28. okt. kl. 20:00 verður boðið upp á einleik um Gísla á Uppsölum í flutningi Elvars Loga Hannessonar í Kómedíuleikhúsinu. Sýningin er á dagskrá Vetrardaga í Víðistaðakirkju. Enginn aðgangseyrir. Verið velkomin!
Orgelandakt og kyrrðarstund
Miðvikudaginn 27. okt. kl. 12:00 er á dagskrá Vetrardaga boðið upp á orgelandakt þar sem Sveinn Arnar organisti leikur valin orgelverk. Kyrrðarstund hefst svo í beinu framhaldi kl. 12:15. Léttar veitingar í safnaðarsal eftir stundina. Verið velkomin!
Vetrardagar í Víðistaðakirkju
Dagskrá Vetrardaga í Víðistaðakirkju hefst á sunnudaginn kemur, þann 24. okt. kl. 11:00 með tónlistarguðsþjónustu (sjá viðburði). Í vikunni næstu verður svo boðið upp á ýmsa afar áhugaverða viðburði og má þar nefna kaffihúsa- og menningarkvöld kirkjukórsins á þriðjudagskvöldið, leiksýningu Kómedíuleikhússins um Gísla á Uppsölum á fimmtudagskvöldið, tónlistardag barnanna þar sem Þorri og Þura koma í heimsókn á föstudaginn og ýmislegt fleira. Enginn aðgangseyrir er á viðburðina. Sjá nánar í dagskrá Vetrardaga.
Tónlistarguðsþjónusta
Tónlistarguðsþjónusta kl. 11:00 í upphafi „Vetrardaga í Víðistaðakirkju”. Hera Björk, Benni Sig og Sveinn Arnar sjá um tónlistarflutning og sóknarprestur þjónar með aðstoð messuþjóna kirkjunnar. Léttar veitingar í safnaðarsal á eftir. Verið velkomin!
