Posts in category: Óflokkað

Kirkjubrall fyrir alla, konur og karla, ömmur og afa,

mömmur og pabba og allskonar krakka.

Í kirkjubrallinu munum við búa til alvöru jólakort

með kærleikskveðjum til vina og ættingja.

Súpa og brauð eftir kortagerðina.

Hlökkum til að sjá ykkur!

Síðastliðið haust tóku sóknarprestur og sóknarnefnd þá sameiginlegu ákvörðun að taka þátt í verkefninu „Náttúruleg safnaðaruppbygging (NSU)”. Þetta er alþjóðlegt verkefni sem hefur verið reynt í margs konar söfnuðum út um allan heim með góðum árangri á síðustu áratugum. Í stuttu máli: Gerður er 18 mánaða samningur við NSU um verkefnið, sem hefst á könnun meðal virks safnaðarfólks sem tekur á ýmsum þáttum safnaðarstarfsins sem flokkað er niður eftir þar til gerðu kerfi. Í framhaldi er síðan unnið við að bæta þann þátt sem lakast kemur út í könnuninni og að loknu tímabilinu er könnunin endurtekin.

Þann 5. nóvember hófst verkefnið hér í kirkjunni; skrifað var undir samning og könnunin framkvæmd. Eftir að leiðbeinendur NSU höfðu farið yfir niðurstöðurnar, sem reiknaðar eru út af móðurtölvu sem staðsett er í Ástralíu, þá komu þeir á fund sóknarnefndar 11. nóvember og fóru yfir niðurstöðurnar sem sjá má á súluritinu hér fyrir neðan:

Í fljótu bragði getur reynst erfitt að lesa úr niðurstöðunum og átta sig nákvæmlega á innihaldi hvers þáttar fyrir sig, en um heildarniðurstöðurnar segir í umsögn leiðbeinanda: „Þið komið býsna vel út í fyrstu könnun. Ekkert gæðamark er sérlega lágt, flest í kringum 50 sem er meðaltalsviðmið og meðaltal uppá 56,4 er vel yfir norska viðmiðinu. Það eina sem kannski kemur á óvart er hve súlan yfir þjónustu byggða á náðargjöfum skagar hátt uppúr. Gaman er einnig að sjá hve vel kærleiksrík samskipti koma vel út.”

Fimmtudaginn 26. nóvember nk. verður svo haldinn almennur fundur safnaðarfólks þar sem kynntar verða niðurstöður könnunarinnar, málin rædd og leitað leiða til að bæta þann þátt sem kom lakast út í könnuninni. Fundurinn hefst kl. 19:00 og verður auglýstur þegar nær dregur. Safnaðarfólk er velkomið á fundinn og er hvatt til að mæta.

Á sunnudaginn, 15. nóvember, verður messa kl. 11:00. Kór Víðistaðasóknar syngur undir stjórn Helgu Þórdísar Guðmundsdóttur og sóknarprestur þjónar með aðstoð messuþjóna.

Sunnudagaskólinn verður á sama tíma uppi í suðursal kirkjunnar. Þar er boðið upp á fjölbreytta dagskrá, fjörug lög, falleg orð og NebbaNú! María og Bryndís leiða stundina.

Kaffi, djús og kex að guðsþjónustum loknum.

Fimmtudagskvöldið 12. nóvember kl. 19:30 flytur Bragi J. Ingibergsson sóknarprestur fyrirlestur um þátttöku trúarlegra samtaka í þróunarhjálp. Verið velkomin!

Við fáum góða gesti til okkar á sunnudaginn, þann 8. nóvember kl. 11:00, þegar Leikhópurinn Lotta kemur í heimsókn. Lotta mun flytja söngvasyrpu sem inniheldur öll helstu ævintýrin sem leikhópurinn hefur sett upp og nokkrar af vinsælustu persónunum mæta á svæðið. Sunnudagaskólinn verður líka á sínum stað í umsjá Maríu og Lovísu. Verið velkomin!

Miðvikudagskvöldið 4. nóvember kl. 20:00 segir Sr. Kjartan Jónsson frá lífi sínu og starfi í Afríku, sýnir myndir þaðan og afríska hluti. Skemmtilegur og fræðandi fyrirlestur. Verið velkomin!

Á allra heilagra messu, sunnudaginn 1. nóvember, verður látinna minnst í guðsþjónusta kl. 11:00. Kór Víðistaðasóknar syngur undir stjórn Helgu Þórdísar Guðmundsdóttur og Dagný Björk Guðmundsdóttir syngur einsöng. Sóknarprestur þjónar með aðstoð messuþjóna kirkjunnar.

Sunnudagaskólinn verður á sama tímu uppi í suðursal kirkjunnar. Þar verður boðið upp á fjölbreytt dagskrá fyrir börn á öllum aldri. María og Bryndís leiða stundina.

Boðið verður upp á kaffi, djús og kex í elhúsinu að guðsþjónustum loknum.

Af óviðráðanlegum orsökum fellur fyrirlesturinn niður – verður auglýstur aftur síðar:  Fimmtudagskvöldið þann 29. október kl. 19:30 verður boðið upp á fyrirlestur, þar sem  Bragi J. Ingibergsson sóknarprestur fjallar um Trúarleg frjáls félagasamtök (FBOS) í þróunarstarfi. Allir velkomnir!

Dagskrá Vetrardaga í Víðistaðakirkju.

Miðvikudaginn 28. október kl. 19:30 flytur Bjarni Gíslason framkvæmdastjóri HK fyrirlestur í safnaðarsal kirkjunnar sem ber yfirskriftina: Staða fóttafólks frá Sýrlandi. – Hvað gerir hjálparstarf kirkjunnar? Allir velkomnir!

Hér má sjá dagskrá Vetrardaga í Víðistaðakirkju.

Kór Öldutúnsskóla heimsækir Víðistaðakirkju og sér um söng í tónlistarmessu kl. 11:00 á sunnudag.