Fjölskylduhátíð sunnudaginn 12. september í umsjá sr. Braga, Sveins Arnars nýs organista kirkjunnar og Benna Sig. kirkjuvarðar. Sérstakur gestur er Ari Ólafsson söngvari. Boðið verður upp á pylsur og tilheyrandi eftir stundina. Verið velkomin!
Kyrrðar- og samverustund
Í tilefni af alþjóðlegum forvarnardegi sjálfsvíga verður haldin kyrrðar- og samverustund í Víðistaðakirkju fimmtudaginn 9. september kl. 20:00.
Alþjóðlegur forvarnardagur sjálfsvíga er 10. september. Tilgangur dagsins er að stuðla að forvörnum sjálfsvíga og minnast þeirra sem fallið hafa fyrir eigin hendi. Margir þjást vegna sjálfsvíga ástvina. Stundin er ætluð til að mæta þeim einstaklingum, styðja, styrkja og minnast. Kveikt verður á kertum í minningu þeirra sem látnir eru. Hér er tækifæri til að koma saman, hlýða á uppörvandi orð, hugleiðingu aðstandenda og leyfa tónlistinni að hreyfa við okkur.
Sr. Bragi J. Ingibergsson leiðir stundina, Hafdís Huld Þórólfsdóttir flytur hugleiðingu og um tónlistarflutning sjá þau Ásta Marý Stefánsdóttir, Benedikt Sigurðsson og Sveinn Arnar Sæmundsson.
Sunnudagaskóli kl. 10:00
Nú hefst sunnudagaskólinn að nýju og verður í kirkjunni á hverjum sunnudegi í vetur kl. 10:00. Börnin fá fjársjóðskistu að gjöf og safna í hana myndum sem þau fá við mætingu í sunnudagaskólann. Fyrsti sunnudagaskólinn í vetur verður næsta sunnudag 5. september kl. 10:00 í umsjá Benedikts Sigurðssonar. Verið velkomin!
Sumarmessa
Sumarmessa í Garðakirkju sunnudaginn 22. ágúst kl. 11:00. Sr. Bragi J. Ingibergsson þjónar og Jóhann Baldvinsson spilar undir almennan söng. Á eftir verður messukaffi í Króki þar sem Benedikt Sigurðsson kirkjuvörður í Víðistaðakirkju leikur á harmóniku. Verið velkomin!
Hjólreiðamessa
Hin árlega hjólreiðamessa verður sunnudaginn 20. júní. Hjólað verður frá kirkjunun samkvæmt áætlun sem sjá má á meðfylgjandi auglýsingu og endað í sumarmessu í Garðakirkju kl. 11:00. Veitingar í Kaffi Króki á eftir.
Dægurlagamessa
Dægurlagamessa verður sunnudagskvöldið 30. maí kl. 20:00. Kór Víðistaðsóknar syngur undir stjórn Helgu Þórdísar organista og sóknarprestur þjónar. Aðalsafnaðarfundur verður sama dag kl. 18:00 í safnaðarheimilinu á undan guðsþjónustunni. Á dagskrá verða venjuleg aðalfundarstörf. Verið velkomin!
Hátíðarhelgistund
Hátíðarhelgistund verður á hvítasunnudagskvöld 23. maí kl. 20:00. Kór Víðistaðasóknar syngur undir stjórn Helgu Þórdísar organista og sr. Gunnlaugur Stefánsson þjónar með aðstoð messuþjóna kirkjunnar. Verið velkomin!
Uppstigningardagur
Guðsþjónusta á uppstigningardag 13. maí kl. 11:00 tileinkuð eldri borgurum. Kór Víðistaðasóknar syngur undir stjórn Helgu Þórdísar organista og sr. Jónína Ólafsdóttir nýr sóknarprestur Hafnarfjarðarkirkju og sr. Bragi sóknarprestur Víðistaðakirkju þjóna með aðstoð messuþjóna kirkjunnar. Verið velkomin!
Plokkmessa
Helgistund sunnudaginn 9. maí kl. 11:00. Að henni lokinni höldum við út í góða veðrið og plokkum í kring um kirkjuna á Víðistaðatúni. eftir plokkið verður boðið upp á hressingu á kirkjutorginu. Tökum þátt í starfi „kirkju á grænni leið” og fegrum umhverfið. Verið velkomin!
Guðsþjónusta
Guðsþjónusta sunnudaginn 2. maí kl. 11:00. Kór Víðistaðasóknar syngur undir stjórn Helgu Þórdísar organista og sóknarprestur þjónar með aðstoð messuþjóna kirkjunnar. Verið velkomin!
