Posts in category: Viðburðir

Aðventuhátíð 1. sunnudag í aðventu 1. des. kl. 17:00. Regína Ósk söngkona syngur ásamt kirkjukór og barnakór undir stjórn Helgu Þórdísar organista. Margrét Lilja Vilmundardóttir kirkjuvörður flytur hugvekju. Kór Víðistaðasóknar býður upp á létt hlaðborð gegn vægu gjaldi að athöfn lokinni. Verið velkomin!

Sunnudaginn 24. nóvember kemur Gaflarakórinn í heimsókn og syngur við guðsþjónustu kl. 11:00 undir stjórn Kristjönu Þ. Ásgeirsdóttur. Sóknarprestur þjónar með aðstoð messuþjóna. Hressing í safnaðarsal á eftir. Verið velkkomin!

Messa sunnudaginn 17. nóvember kl. 11:00. Kór Víðistaðasóknar syngur undir stjórn Helgu Þórdísar organista og sr. Stefán Már Gunnlaugsson þjónar með aðstoð messuþjóna. Hressing í safnaðarsal á eftir. Verið velkomin!

Boðið verður upp á Kristna íhugun og djúpslökun í kirkjunni á laugardagsmorguninn 16. nóvember kl. 9:30 – 10:30. Umsjón hafa Ástríður Kristinsdóttir hjúkrunarfræðingur og Bergþóra Baldursdóttir sjúkraþjálfari. Fyrir stundina er gott að taka með sér æfingadýnu eða teppi til að liggja á og eitthvað til að breiða yfir sig í slökuninni. Íhugunartónlist hljómar frá kl. 9:10. Verið hjartanlega velkomin!

Fyrirlestur fimmtudagskvöldið 7. nóvember kl. 20:00 í flutningi Þorsteins V. Einarssonar. Aðalmarkmið fyrirlestursins er að hrista upp í viðteknum hugmyndum um karlmennsku og kynhlutverk, benda á endurteknar birtingamyndir karlmennsku og staðalmyndir um kyn og svara því hvers vegna og hvernig karlar geti tekið þátt í að skapa jafnrétti í sínu umhverfi. Þorsteinn V. Einarsson flytur fyrirlesturinn en hann er meistaranemi í kynjafræði og sér um samfélagsmiðilinn Karlmennskan á Facebook og Instagram.

Dagskrá „Vetrardaga í Víðistaðakirkju“

Guðsþjónusta á allra heilagra messu sunnudaginn 3. nóvember kl. 11:00. Látinna minnst. Kór Víðistaðasóknar syngur undir stjórn Helgu Þórdísar organista og Ólafur Freyr Birkisson syngur einsöng. Sóknarprestur þjónar með aðstoð messuþjóna. Veitingar í safnaðarheimili að guðsþjónustu lokinni. Þá um leið opnar myndlistarsýning Ragnheiðar Líneyjar Pálsdóttur í salnum. Verið velkomin!

Guðsþjónusta unnudaginn 27. október kl. 11:00. Kór Víðistaðasóknar syngur undir stjórn Ólafs Finnssonar og sóknarprestur þjónar með aðstoð messuþjóna. Kaffisopi á eftir í safnaðarheimilinu. Verið velkomin!

Sunnudaginn 20. okt. kl. 11:00 mun Sönghópurinn Spectrum syngja undir stjórn Ingveldar Ýrar í tónlistarguðsþjónustu. Sr. Sigurður Kr. Sigurðsson þjónar með aðstoð messuþjóna. Hressing í safnaðarsal á eftir. Verið velkomin!

Sunnudagskvöldið 13. október kl. 20:00 verður haldin bleik messa í tilefni af bleikum október. Delia Howser flytur hugleiðingu og Kór Víðistaðasóknar syngur undir stjórn Helgu Þórdísar organista. Sóknarprestur þjónar með aðstoð messuþjóna. Bleikar kökur í safnaðarheimilinu á eftir. Endilega mætið í bleiku. Verið velkomin!