Æskulýðsdagurinn er á sunnudaginn kemur, þann 2. mars. Þá verður fjölskylduhátíð í kirkjunni kl. 11:00 og mun lúðrasveitarhópur úr Víðistaðaskóla sjá um tónlistarflutning undir stjórn Vigdísar Klöru Aradóttur. Þá mun sunnudagaskólinn vera á sínum stað ásamt söng og gleði. Fundur með foreldrum fermingarbarna verður í safnaðarsalnum að guðsþjónustu lokinni. Verið velkomin!
Kvennakórinn syngur á konudaginn
Kvennakór Hafnarfjarðar mun koma í heimsókn á sunnudaginn þann 23. febrúar og syngja undir stjórn Ernu Guðmundsdóttur í tónlistarguðsþjónustu kl. 11:00 . Það er vel viðeigandi að fá þennan frábæra kór hafnfirskra kvenna til að syngja á sjálfan konudaginn. Sr. Gunnar Jóhannesson héraðsprestur mun þjóna fyrir altari og prédika. Verið velkomin!
Munið messuna á sunnudaginn!
Á sunnudaginn kemur, þann 16. febrúar, verður messa að venju kl. 11:00. Kór Víðistaðasóknar syngur undir stjórn Helgu Þórdísar Guðmundsdóttur og sóknarprestur prédikar og þjónar fyrir altari. Verið velkomin!
Messa 9. febrúar
Í messu á sunnudaginn kemur, þann 9. febrúar kl. 11:00, mun Kór Víðistaðasóknar syngja undir stjórn Helgu Þórdísar Guðmundsdóttur. Sóknarprestur þjónar fyrir altari og prédikar.
6-9 ára / 10-12 ára (TTT)
Aldursskipt barnastarf er farið af stað á nýju ári og byrjar af krafti. Starfið fer fram á þriðjudögum, 6-9 ára kl. 15:00 og 10-12 ára kl. 16:00. Umsjón hefur Heiða Björk Björk Ingvarsdóttir. Sjá nánar: 6-9 ára / 10-12 ára (TTT).
Messa
Á sunnudaginn kemur, þann 26. janúar, verður messa í kirkjunni kl. 11:00. Kór Víðistaðasóknar syngur undir stjórn Helgu Þórdísar Guðmundsdóttur organista og sóknarprestur þjónar fyrir altari og prédikar. Verið velkomin!
Ný prédikun
Ný Prédikun hefur verið sett inn í yfirsíðuna Prédikanir – flutt 2. sunnudag eftir þrettánda, þann 19. janúar 2014: „Mikið afskaplega var þetta skemmtilegt“. Við gengum úr kirkjugarðinum eftir jarðarför áleiðis að kirkjunni, ég í hlutverki prestsins og fáeinir aðstandendur þegar einn segir við mig „Mikið afskaplega var þetta skemmtileg jarðarför!“ Svo eftir andartaksþögn var eins og hann fengi bakþanka……. Sjá meira.
Karlakórinn Stefnir syngur
Söfnuðurinn fær góða gesti í tónlistarguðsþjónustu á sunnudaginn kemur. Þá mun Karlakórinn Stefnir úr Mosfellsbæ koma í heimsókn og syngja undir stjórn Julian M. Hewlett. Guðsþjónustan hefst kl. 11:00 og mun sóknarprestur þjóna fyrir altari og prédika. Sunnudagaskólinn verður uppi í suðursal kirkjunnar á sama tíma. Verið velkomin!