Posts in category: Viðburðir

Miðvikudaginn 10. október verður haldið námskeið um bæn og biblíulega íhugun í Víðistaðakirkju í Hafnarfirði. Fjallað verður um fornar og nýjar aðferðir við að tengja saman bæn og lestur Biblíunnar. Sérstök áhersla verður lögð á aðferð sem nefnist Lectio Divina og felur í sér innlifun í ákveðnar biblíufrásagnir. Fá þátttakendur bæklinginn Skóli Orðsins í hendur. Kennari á námskeiðinu er María Ágústsdóttir, verkefnisstjóri á Biskupsstofu. Námskeiðið stendur yfir frá kl. 18 til kl. 20 og er boðið upp á hressingu í hléi. Ekkert þátttökugjald er en mikilvægt að skrá sig á netfangið kristin.arnardottir@kirkjan.is eða í síma 528 4000.

Fjölskylduhátíð á sunnudaginn þann 7. október. Barna- og unglingakórinn syngur undir stjórn Áslaugar Bergsteinsdóttur. Sjá nánar hér.

Fyrstu hádegistónleikar Víðistaðakirkju í haust verða haldnir á föstudagurinn kemur, þann 5. október kl. 12:00. Emil Friðfinnsson hornleikari flytur verk eftir Telemann, Messiaen, Dukas, Mendelssohn og Saint-Saëns. Meðleikari er Örn Magnússon píanóleikari.

Aðgangseyrir á tónleikana er kr. 1.000,- og síðan er hægt að kaupa léttan málsverð í safnaðarheimilinu eftir tónleika sem kostar kr. 500,-. Allur ágóði rennur í orgelsjóð kirkjunnar.

Á sunnudaginn kemur, 30. sept. þjónar sr. Kristín Þórunn Tómasdóttir héraðsprestur og kirkjukórinn syngur undir stjórn Árna Heiðars Karlssonar organista. Sunudagaksólinn verður líka á sínum stað uppi í suðursal kirkjunnar. Sjá nánar hér.

Í guðsþjónustu á sunnudaginn kemur mun tónlistarmaðurinn góðkunni og geðþekki Svavar Knútur sjá um allan tónlistarflutning. Sjá nánar hér.

 „Ég hef rist þig í lófa mér.“

 „Snertingin og hlýjan skiptir svo miklu máli, við setjum gjarnan fingur í litla lófann hennar og hún tekur utan um með smáum fingrum.“

Ég gekk inn á vökudeildina í fylgd stolts en nokkuð áhyggjufulls föður, sem lét þessi orð falla er hann lýsti samskiptum sínum við nýfædda dóttur sína. ………

Lesa meira..

Guðsþjónusta kl. 11:00. Kór Víðistaðasóknar syngur undir stjórn Arnar Faulkner.  Sóknarprestur sr. Bragi J. Ingibergsson þjónar fyrir altari og prédikar.

Sunnudagaskóli kl. 11:00. Fjölbreytt og skemmtileg stund fyrir alla fjölskylduna, fer fram uppi í suðursal kirkjunnar. Verið velkomin!

Barna- og unglingastarf vetrarins fer að hefjast. 6-9 ára starfið hefst kl. 16:00 og 10-12 ára (TTT) starfið kl. 17:00 þriðjudaginn 18. september nk.

Unglingastarfið í Æskulýðsfélaginu Megasi hefst mánudaginn 24. september kl. 19:30.

Kyrrðarstundir hefjast að nýju miðvikudaginn 19. september kl. 12:00. Notalegar og friðsælar stundir í kirkjunni og samvera yfir gómsætri súpu í safnaðarheimilinu á eftir. Næring fyrir sál og líkama!

Opnuð hefur verið ný heimasíða fyrir Víðistaðakirkju. Lögð er áhersla á að aðkoman að síðunni sé einföld og þægileg svo fólki reynist auðvelt að finna það sem leitað er eftir bæði fljótt og vel.  Á heimasíðunni verður sem fyrr reynt að birta nýjustu fréttir hverju sinni og greina frá því sem framundan er í safnaðarstarfinu.