All posts by : wpengine

Á undanförnum misserum hafa Krílasálmanámskeiðin vakið mikla lukku á meðal foreldra með ungabörn. Næsta námskeið hefst fimmtudaginn 14. febrúar nk. Um er að ræða 6 vikna námskeið sem fer fram einu sinni í viku, á fimmtudögum kl. 10:30 – 11:30. Námskeiðsgjald er kr. 3.000,-. Umsjón með námskeiðinu hafa Inga Harðardóttir og Elísabet Þórðardóttir. Nánar um námskeiðið.

Hægt er að skrá sig í síma 565-2050 eða senda póst á srbragi@vidistadakirkja.is.

Kyrrlát og notaleg samverustund Biblíuleg íhugun fer fram á hverjum þriðjudegi kl. 18:00. Í Biblíulegri íhugun er notuð aðferð til að tengja saman bæn og lestur Biblíunnar – sem fela í sér innlifun í ákveðnar biblíufrásagnir. Bergþóra Baldursdóttir, María Guðmundsdóttir og Nína Dóra Pétursdóttir leiða stundirnar.

Á sunnudaginn kemur 20. janúar verður fjölskylduhátíð í kirkjunni, þar sem fléttast saman form fjölskylduguðsþjónustu og sunnudagaskólans. Komin er löng hefð fyrir slíkum samkomum og eru þær jafnan vel sóttar. Barna- og unglingakórinn syngur undir stjórn Áslaugar Bergsteinsdóttur. Nánar…

Á undanförnum árum hafa Víðistaða-, Garða- og Bessastaðasókn haldið sameiginlega guðsþjónustu fyrir eldri borgara í sóknunum. Hefur guðsþjónustan farið fram í upphafi árs og til skiptis í Víðistaðakirkju og Vídalínskirkju.

Nú er komið að Þessari sameiginlegu guðsþjónustu í Víðistaðakirkju og munu gestirnir sjá um þjónustuna. Sr. Hans Guðberg Alfreðsson þjónar fyrir altari og prédikar, Margrét Gunnarsdóttir djáknanemi les ritningarlestra og sönghópur úr Garðaprestakalli syngur undir stjórn Bjarts Loga Guðnasonar.

Að lokinni guðsþjónustu mun Gaflarakórinn, kór Félags eldri borgara í Hafnarfirði, syngja undir stjórn Kristjönu Þ. Ásgeirsdóttur. Kaffiveitingar verða á eftir í safnaðarheimilinu í boði sóknarnefndar Víðistaðasóknar.

Sjá hér.

Helgihald verður með hefðbundnu sniði um jól og áramót. Rétt er þó að minna á þær breytingar sem gerðar hafa verið á tímasetningum aftansöngvanna á aðfangadag og gamlársdag. Þeir eru nú annað árið í röð kl. 17:00.

Hvað varðar tónlistarflutning við helgihaldið þá munu auk kóra kirkjunnar koma fram Flensborgarkórinn undir stjórn Hrafnhildar Blomsterberg, óbóleikarinn Matthías Nardeau og einsöngvararnir Sigurður Skagfjörð barítón og Anna Jónsdóttir sópran.

Sjá nánar hér.

Í fjölskylduhátíð á sunnudaginn kemur, 3. sunnudag í aðventu, munu börnin í 6-9 ára starfinu sýna helgileik ásamt Barna- og unglingakórnum, sem syngur undir stjórn Áslaugar Bergsteinsdóttur. Boðið verður upp á smákökur og heitt súkkulaði í safnaðarheimilinu eftir guðsþjónustuna. Sjá nánar …

Í guðsþjónustu á sunnudaginn kemur, 2. sunnudag í aðventu, munu skátar koma með Friðarlogann til kirkju – eins og venja hefur verið á aðventunni undanfarin ár. Kirkjukórinn syngur í guðsþónustunni undir stjórn Árna Heiðars Karlssonar. Sjá hér.

Í gærkvöldi afhentu krakkar í 10. bekk Víðistaðaskóla sóknarpresti peninga til styrktar þeim sem minna mega sín í Víðistaðasókn. Peningarnir voru afrakstur eftir bingó og basar sem þau héldu í matsal skólans. Þau höfðu fengið þessa góðu hugmynd og hrintu henni sjálf í framkvæmd af miklum dugnaði. Um er að ræða frábært og þakkarvert framtak í anda jólanna – og víst er að margir eiga eftir að njóta góðs af.

Aðventukvöldið á sunnudaginn kemur, 1. sunnudag í aðventu, verður að þessu sinni kl. 17:00 síðdegis en ekki að kvöldi eins og undanfarin ár. Dagskrá samkomunnar er að mestu í höndum kóra kirkjunnar, organista og stjórnenda, en auk þess mun Guðrún Birgisdóttir leika á flautu. Ræðumaður verður Gylfi Ingvarsson vélvirki og fulltrúi í sóknarnefnd Víðistaðasóknar. Að venju verður Systrafélag kirkjunnar með kaffisölu að lokinni dagskrá. Sjá nánar…

Sunnudagurinn næsti, 25. nóvember, er sá síðasti á þessu kirkjuári. Nýtt kirkjuár hefst svo í upphafi jólaföstunnar 1. sunnudag í aðventu. Á sunnudaginn kemur verður guðsþjónusta kl. 11:00 og sunnudagaskóli á sama tíma uppi í suðursalnum. Sjá nánar…